ریاست بہار کے ضلع گیا کے چندوتی تھانہ علاقہ کے گیا ٹکاری روڈ پر واقع دھرم شالہ کوسما کے نزدیک موٹرسائیکل سوار بدمعاشوں نے سی ایم ایس کے ملازم سے تین لاکھ روپئے لوٹ کر فرار ہوگئے، زخمی ملازم ارون کمار مگدھ میڈیکل کالج و ہسپتال میں زیرعلاج ہیں۔
سی ایم ایس ملازم کو گولی مار کر تین لاکھ روپئے لوٹ لیے
اطلاعات کے مطابق ایک موٹرسائیکل پر سوار تین بدمعاشوں نے ارون کمار نامی شخص پر فائرنگ کر دی جس سے وہ زخمی ہوکر گر پڑے، بدمعاشوں نے اسکے بعد ان سے پیسہ چھین کر فرار ہوگئے۔
زخمی حالت میں ارون کمار نے اسکی اطلاع مقامی پولیس تھانہ کودی، پولیس اور مقامی افراد کے مدد سے ارون کمار کو انوگرہ نارائن ہسپتال میں داخل کرایا گیا۔
تھانہ انچارج مرتنجے کمار نے فون پر بتایا کہ معاملہ درج کرکے تفتیش شروع کر دی ہے۔
