ریاست بہار کے دارالحکومت پٹنہ کے سٹی کے این ایم سی ایچ میں مہلک وبا کوروناوائرس کے انفیکش سے متاثر آج تین افراد کے ہلاک ہونے کے ساتھ ہی کووڈ-19 کے انفیکش سے ریاست میں مرنے والوں کی تعداد 76 ہوگئی ہے۔
بہار میں محکمہ صحت نے آج کورونا متاثرین کے 188 نئے معاملے کی تصدیق کی ہے، اس کے ساتھ ہی بہار میں کورونا متاثرین کی مجموعی تعداد 10 ہزار 393 سے زائد ہوگئی ہے۔
واضح رہے کہ مرنے والے لوگوں میں پٹنہ، نالندہ اور آرہ کے مریض شامل ہیں، یہ لوگ پہلے سے ذیابیطس، ہائپر ٹینشن اور گردے کی مرض میں مبتلا تھے، جس کی ہسپتال کے ڈاکٹر نرمل کمار سنہا نے تصدیق کی ہے۔
محکمہ صحت کے مطابق اب تک دو لاکھ 28 ہزار 689 نمونے کی جانچ ہوئی ہے۔
خیال رہے کہ گزشتہ 24 گھنٹے میں 276 مریض صحتیابی حاصل کرچکے ہیں، جبکہ اب تک سات ہزار 811 افراد صحتیاب ہوچکے ہیں۔
ریاست میں کورونا ایکٹیو کیسز کی تعداد دو ہزار 191 ہے، جبکہ کورونا مریضوں کے صحتیاب ہونے کی شرح 77.52 فیصد بتائی جا رہی ہے۔
