ریاست بہار کے ضلع گیا میں رکن اسمبلی کے گھر سے چوری کے الزام میں ایک شخص کو گرفتار کیا گیا ہے، جس کے پاس سے پولیس نے زیورات برآمد کیا ہے۔
واضح رہے کہ گیا کی پولیس نے ایک ہائی پروفائل چوری کے معاملے کا انکشاف کرلیا ہے۔ بارہ چٹی کی رکن اسمبلی سمتا دیوی کے گھر میں گزشتہ روز ہوئی چوریہوئی تھی۔
پولیس نے رکن اسمبلی کے گھر سے ہوئی چوری کا انکشاف کرلیا ہے۔ پولیس نے ایم ایل اے کے گھر میں چوری کرنے والے سریش یادو کو زیورات کے ساتھ گرفتار کیا ہے۔
سٹی ایس پی راکیش کمار نے ایم ایل اے سمتا دیوی کے گھر میں ہوئی چوری کے متلق بتایاکہ گزشتہ روز رکن اسمبلی کے گھر میں رکھی الماری سے سونے کے زیورات کی چوری ہوئے تھے۔
واقعہ کی اطلاع ملنے کے بعد پولیس نے معاملے میں سنجیدگی دکھاتے ہوئے چوروں کی گرفتاری کے لیے چھاپے ماری کی، جس میں سریش یادو کوگرفتاری کرلیا گیا،جس کی عمر 36 برس کی بتائی جارہی ہے۔
سریش کے پاس سے چوری کے سونے کے کنگن، منگل سوتر اور دیگر زیورات برآمد ہوئے ہیں۔
انہوں نے بتایاکہ چوری اس وقت ہوئی تھی جب گھر کے لوگ نئے گھر کی تقریب میں مشغول تھے۔
