عوام میں اتنا غصہ ہے کہ بہاری وزیر گھر سے نکلتے ہی نہیں: تیجسوی

نالندہ میں کھاد کیلئے پریشان کسان منگل کو مظاہرہ کر رہے تھے۔ دریں اثناء کسانوں کو سمجھانے اور جام ختم کرانے گئے اسلام پور تھانہ کے داروغہ جالندھر منڈل پر لوگوں کا غصہ پھوٹ پڑا۔

بہار اسمبلی میں اپوزیشن لیڈر تیجسوی پرساد یادو نے وزیراعلیٰ نتیش کمار کے ہوم ضلع نالندہ میں کھاد کی قلت سے پریشان کسانوں کے پولیس پر حملے کے واقعے پر حکومت پر طنز کستے ہوئے کہا کہ عوام میں اتنا اشتعال ہے کہ وزیر گھر سے نکلتے ہی نہیں ہیں۔

یادو نے بدھ کو سوشل نیٹ ورکنگ سائٹ ٹوئٹر پر نالندہ میں کھاد کی قلت سے پریشان کسانوں کے پولیس پر حملے کے واقعے کا ویڈیو ٹیگ کرتے ہوئے ٹوئٹ کیا،” بہار میں کھاد کی شدید قلت کی وجہ سے کسان مشتعل ہیں۔ ویڈیو ڈبل انجن حکومت کے ٹربل کاری وزیر اعلیٰ کے ہوم ضلع نالندہ کا ہے ۔ ” انہوں نے آگے کہاکہ بھارتیہ جنتا پارٹی ( بی جے پی ) اور جنتادل یونائٹیڈ ( جے ڈی یو ) حکومت سے کسان ، نوجوان ، تاجر ، ملازم ، بے روزگا ر، طلباءاور غریب سب پریشان ہیں۔ عوام میں اتنا اشتعال ہے کہ وزیر گھر سے نکلتے ہی نہیں۔

غور طلب ہے کہ نالندہ میں کھاد کیلئے پریشان کسان منگل کو مظاہرہ کر رہے تھے۔ دریں اثناء کسانوں کو سمجھانے اور جام ختم کرانے گئے اسلام پور تھانہ کے داروغہ جالندھر منڈل پر لوگوں کا غصہ پھوٹ پڑا۔

بھیڑ میں شامل کچھ لوگوں نے ان پر لاٹھی سے حملہ کر دیا ، جس میں وہ زخمی ہوگئے ۔

پولیس ویڈیو فوٹیج کی بنیاد پر حملہ کرنے والوں کی شناخت کررہی ہے۔

یو این آئی