ریاست بہار کے کٹہار ضلع میں واقع الفلاح یونیورسٹی میں بھی یوم اساتذہ کے موقع پر بی ایڈ سال اول کی جانب سے اساتذہ کے لیے ایک باوقار تقریب منعقد ہوئی، جس میں طلباء نے اساتذہ کے تئیں اپنے احساسات و جذبات کا اظہار کیا۔
اس موقع پر سینٹر کوآرڈینیٹر ڈاکٹر مظاہر نے طلبا سے خطاب کرتے ہوئے کہا کہ 'جو طلبا اساتذہ کی عزت نہیں کرتے وہ علم نافع سے محروم رہتے ہیں، دنیا کے بڑے سے بڑے قدآور شخصیات کے زندگی کا مطالعہ کریں تو ان کی کامیابی کے پیچھے ان کے اساتذہ کی محنت اور دعائیں ملیں گی'۔
ڈاکٹر اشرف نواز نے کہا کہ اس بات سے انکار نہیں کیا جاسکتا کہ پہلے مقابلے آج اساتذہ و طلبا کے درمیان کے تعلقات میں کمی آئی ہے، لیکن اسے طلبا کے ساتھ ہم اساتذہ کو بھی اس غور کرنے کی ضرورت ہے۔
وہیں ای ٹی وی بھارت سے الفلاح یونیورسٹی کے تمام اساتذہ نے اپنے زمانہ طالب علمی کے کھٹے میٹھے زمانے کو یاد کیا اور اپنے اساتذہ کے تئیں اظہارِ عقیدت پیش کرتے ہوئے اپنی کامیابی میں ان کو شریک کرتے ہوئے ان کا شکریہ ادا کیا۔
ڈاکٹر فرزانہ طارق نے کہا کہ آج بھی ہم نے اپنے بتائے ہوئے اساتذہ کو راستے کو نہیں چھوڑا، جیسے انہوں نے ہمیں پڑھایا اسی محنت سے ہم اپنے طلبا کو پڑھاتے ہیں۔
شاذیہ عمیر نے کہا کہ ہر طالب علم کی زندگی کا گزرا ہوا یوم اساتذہ خاص ہوتا ہے، لائبریریئن عبدالرزاق نے کہا کہ ہم لوگوں کے زمانے میں یوم اساتذہ اتنی دھوم دھام سے نہیں منائی جاتی تھی جب کہ اس کا رواج آج عام ہوگیا ہے۔
