ریاست بہار کے ضلع گیا پہنچے محکمہ صنعت کے وزیر سید شاہنواز حسین نے ای ٹی وی بھارت کے سوال پر کہا کہ 'بہار این ڈی اے میں سب کچھ ٹھیک ٹھاک ہے۔
ذاتی مردم شماری کے تعلق سے انہوں نے کہا کہ 'اس پر وہ زیادہ کچھ نہیں بولیں گے کیونکہ اس معاملے پر وزیر اعلیٰ نتیش کمار اور وزیر اعظم کے درمیان بات چیت ہورہی ہے۔'
وزیر اعلیٰ نتیش کمار نے اس تعلق سے وزیر اعظم کو خط بھی لکھا ہے جو ہوگا وہ بہتر ہوگا۔ بہار میں ریاستی حکومت ذاتی مردم شماری کرائے گی یا نہیں؟ اس سوال کا جواب دیتے ہوئے کہا کہ جو بھی ہوگا وہ سبھی کے متفقہ فیصلے پر ہوگا۔'
یہ بھی پڑھیں: بہار: ذات کی بنیاد پر مردم شماری چاہتے ہیں: وزیراعلیٰ نتیش کمار
اس دوران انہوں نے راشٹریہ جنتا دل کے ذریعے ذاتی مردم شماری کے معاملے پر احتجاج کیے جانے پر کہا کہ 'سبھی پارٹیوں کو اپنے ایجنڈے اور پالیسی پر کام کرنے کا حق حاصل ہے۔ راشٹریہ جنتا دل کے سامنے کوئی ایجنڈا نہیں ہے۔
