ریاسے بہار کے گیا ایئرپورٹ پر دہلی پولیس کے لک آؤٹ نوٹس کی بنیاد پر روکے جانے والے ینگون کے تمام 22 شہری منگل کو ٹرین کے ذریعے دہلی کے لئے روانہ ہوں گے۔اطلاع کے مطابق ان تمام شہریوں کو 3 جون کو دہلی پولیس کے سامنے پیش ہونا ہے۔
ینگون کے تمام 22 باشندوں کی تبلیغی جماعت سے جڑے ہونے کی بات سامنے آئی تھی۔ تاہم اس کی تصدیق مقامی سطح پر کسی افسر نے نہیں کی ہے۔ لیکن گیا ایئرپورٹ ذرائع کے مطابق سبھی افراد تبلیغی جماعت سے ہیں اور انکا تعلق تبلیغی مرکز دلی سے ہے۔ اسی بنیاد پر انکے خلاف لک آوٹ نوٹس جاری ہے۔
واضح رہے کہ 27 مئی کو ان تمام 22 افراد کو گیا ہوائی اڈے سے میانمار جاتے ہوئے محکمہ امیگریشن نے روکا تھا۔ تفتیش میں انکشاف ہوا ہے کہ دہلی پولیس نے ان لوگوں کے خلاف ایک لک آؤٹ نوٹس جاری کیا ہے۔ گھنٹوں پوچھ گچھ کے بعد تمام افراد کو بودھ گیا میں ایک ہوٹل میں رکھا گیا تھا۔ 27 مئی کو ہی وہ سب کلکتہ سے بس سے گیا ائیرپورٹ پر پہنچے تھے۔
اطلاع کے مطابق آج سبھی افراد کو ٹرین کے ذریعے دہلی بھیجا جائیگا ۔
