'سرجاپوری سماج کو ریزرویشن دیا جائے'

ریاست بہار کا ضلع کشن گنج تعلیمی ،سیاسی، سماجی اور اقتصادی طور پرپسماندہ ہے، اس ضلع میں تقریباً 80 فیصد آبادی مسلمانوں کی ہے جس میں سرجاپوری برادری سب سے زیادہ ہیں۔

سرجاپوری سماج تعلیمی، سماجی اور اقتصادی طور پر ریزرویشن کے لیے کافی عرصہ سے سرگرم ہے۔ جس کے لیے سرجا پوری ڈیولپمنٹ سوسائٹی کی جانب سے مسلسل کوششیں جاری ہیں۔

اس سلسلے میں ای ٹی وی بھارت نے کشن گنج کے کانگریس رہنما اور سابق مکھیا قاری مشکور سے بات کی تو ان کا کہنا تھا کہ ' سرجاپوری سماج کو ریزرویشن نہ ملنے کی ذمہ دار ریاستی حکومت ہے، اگر ریاستی حکومت بات کو آگے بڑھاتی ہے تو مرکز کی جانب سے ضرور کوئی فیصلہ آسکتا ہے'۔

انہوں نے مزید کہا کہ 'میں نتیش کمار کے اس فیصلے کی قدر کرتا ہوں جس میں انہوں نے کہا تھا کہ وہ بابری مسجد معاملے میں بی جے پی کی حمایت نہیں کریں گے'۔

قاری مشکور نے کانگریس رہنما ڈاکٹر جاوید سے اپیل کی کہ سرجاپوری سماج کے اس مطالبے پر نظر ثانی کریں کیونکہ کشن گنج کے لوگوں نے بڑی امید سے انہیں ووٹ دیے ہیں'۔