پیازکی قیمتوں میں اضافہ

پیازکی قیمتوں میں اچانک اضافے سے صارفین پریشان ہیں۔ پیاز کی قیمت پندرہ، سولہ روپئے سے بڑھ کر پچیس سے تیس روپئے ہو گئی ہے۔ دوکانداروں کے مطابق بنگلہ دیش اور جنوبی بھارت سے پیاز نہیں آپارہی ہیں۔ پیاز کی بڑھتی قیمتوں سے متوسط طبقے کے لوگوں نے پیاز کے استعمال میں کمی کی ہے جسکی وجہ سے دوکاندار بھی پریشان ہیں۔

ریاست بہار کے ضلع گیا میں پیاز کی قیمتوں میں اضافہ ہوا ہے، یہاں تیس سے چھتیس روپئے کیلو سے پیاز فروخت ہورہی ہے۔

کچھ دنوں قبل پندرہ سے سولہ روپئے کے درمیان ہی پیاز فروخت رہی تھی کہ اچانک بڑھتی قیمتوں سے مختلف علاقوں میں آئے سیلاب کی وجہ سے پیاز کا اسٹاک بھی ختم ہو چکا ہے۔

خاص طور سے بنگلہ دیش اور جنوب بھارت سے ریاست میں پیاز کی آمد بند ہوگئی ہے۔

موقع کا فائدہ اٹھاتے ہوئے تھوک تاجر قیمتوں میں اضافہ کر کے ریٹیل تاجروں کو فروخت کر رہے ہیں۔

دوکاندار راج کمار نے پیاز کی قیمتوں میں اضافے کے سبب سپلائی میں کمی بتائی ہے، راج کمار کے مطابق ٹرانسپورٹ خرچ بھی بڑھا ہے، جس کے سبب ٹرانسپورٹ سے آنے والے سامانوں کی قیمتوں میں بھی اضافہ ہوگا۔

للوچودھری نامی ایک گاہک نے بتایا کہ قیمت بڑھنے کی وجہ سے گھروں میں پیاز کے استعمال میں کمی ہے ۔