یونین کی جانب سے ہوئے عام اجلاس میں وکلاءنے آنجہانی پانڈے اور ان کی خادمہ کے قتل پر غصے کا اظہار کرتے ہوئے حکومت سے ان کے ورثاءکو پچاس لاکھ روپے کا معاوضہ اور ایڈوکیٹ سکیوریٹی ضابطہ بلاتاخیر نافذ کیے جانے کا مطالبہ کیا ۔ ساتھ ہی اس قتل کی مخالفت میں وکلاء نے 12 مارچ اور 13 مارچ 2020 کو عدالتی کاموں سے خود الگ رکھنے کا فیصلہ لیا ۔
تجویز پاس ہونے کی وجہ سے آج پٹنہ سول کورٹ میں عدالتی کام کاج نہیں ہوا ۔ ضلع ایڈوکیٹ یونین ، پٹنہ کے ذریعہ پاس تجویز کی کاپی وزیراعلیٰ اور ضلع سیشن جج سمیت دیگر متعلقین کو بھیج دی گئی ہے ۔
وکلاء کی ہڑتال کی وجہ سے آج جنتادل یونائٹیڈ ( جے ڈی یو) سے خارج اور انتخابی پالیسی ساز پرشانت کشور کی پیشگی ضمانت پر سماعت نہیں ہوسکی ۔
عدالت نے عرضی پر سماعت کے لیے 23 مارچ 2020 کی آئندہ کی تاریخ مقرر کی ہے ۔
غورطلب ہے کہ حال ہی میں بھاگلپور سول کورٹ کے سنیئر وکیل اور بہار بار کونسل کے سابق نائب صدر کامیشور پانڈے اور ان کی خادمہ کا قتل کر دیا گیا تھا۔
