ایس ایس بی 29 ویں بٹالین کے کمانڈینٹ آر کے سنگھ نے بتایا کہ (ایس ایس بی) کیمپ میں اچانک گولی چلنے کی آواز ہوئی۔ آواز سن کر جوان وہاں پہنچے تو انہوں نے دیکھا کہ جوان للت بھارتی کو اس کے ہی اسلحہ اے کے 47 سے گولی لگی ہے۔ گولی لگنے سے زخمی جوان کو فتح پور پرائمری ہیلتھ مرکز لایا گیا جہاں ابتدائی علاج کے بعد اسے بہتر علاج کے لیے گیا ریفر کر دیا گیا۔
مسٹر سنگھ نے بتایا کہ زخمی جوان کو گیا کے جے پرکاش نارائن ہسپتال لے جایا جارہا تھا تبھی راستے میں اس نے دم توڑ دیا۔ متوفی للت بھارتی اترپردیش کے بلند شہر کا رہنے والا تھا۔ جوان کی حادثے میں موت ہوئی ہے یا پھر انہوں نے خود کشی کی ہے یہ جانچ کے بعد ہی پتہ چل پائے گا۔ اہل خانہ کو واقعے کی اطلاع دے دی گئی ہے۔
