بھاگلپور میں دیوار گرنےسے چھ افراد ہلاک

بہار میں بھاگلپور ضلع کے دو تھانہ علاقوں میں آج صبح بارش کی وجہ سے دیوار گرنے سے ایک لڑکی سمیت چھ لوگوں کی موت ہوگئی اور دیگر زخمی ہوگئے۔

ضلع مجسٹریٹ پروین کمار نے بتایا کہ بارش کی وجہ سے تھانہ علاقے کے ہنومان نگر کے نزدیک گنگا کنارے ایک مندر کی پرانی دیوار کے اچانک گرنے سے تین لوگوں کی موت ہوگئی۔
جن کی شناخت وکاس چندر، وویک کمار اور چھتیج کمارکے طور پر ہوئی ہے۔
گنگا کنارے نوراتری کے موقع پر صبح میں کافی لوگ گنگا میں نہانے اور پانی لینے آئے تھے تبھی یہ حادثہ پیش آیا۔
کمار نے بتایا کہ شہر کے تلکا مانجھی تھانہ علاقے کے بڑی خنجر پور محلے میں مہاراج گھاٹ پر پرانے مکان کی دیوار گرنے سے ایک لڑکی سمیت دو لوگوں کی موت ہوگئی جس کی شناخت انل شرما اور سلونی کماری کے طور پر ہوئی ہے۔