سیوان میں دل دہلا دینے والا واقعہ، صحافی کو زندہ جلایا گیا

بہار کے سیوان میں ایک دردناک واقعہ سامنے آیا ہے جہاں سیوان ضلع میں اترپردیش کا ایک صحافی اپنی معشوقہ سے ملنے پہنچا تو گھر والوں ںے مبینہ طور پر پٹرول ڈال کر اسے جلا دیا جہاں صدر ہسپتال میں علاج کے دوران اس کی موت ہوگئی۔

سیوان ضلع میں ایک دردناک واقعہ پیش آیا ہے جہاں جمعہ کے روز زندہ جلانے کے دوران زخمی ہوئے صحافی کی دیر شام موت ہوگئی۔ ضلع کے ایم ایس نگر تھانہ حلقہ میں یہ واقعہ پیش آیا ہے۔

جہاں نوجوان صحافی کو عشق کے چکر میں زندہ جلا دیا گیا تھا۔ جلانے کے بعد علاج کے لئے پولیس نے صدر ہسپتال میں بھرتی کرایا تھا جہاں اس کی موت ہوگئی۔

مقتول عاشق کے پاس سے پریس کا کارڈ ملا ہے جس سے اس کی پہنچان یوپی کے جالون ضلع کے ارئی علاقے کے رہنے والے رامو کے طور پر ہوئی ہے۔

جانکاری کے مطابق مقتول نوجوان کنہولی گاؤں کے دھنیسر رام کے گھر کے کسی لڑکی سے کئی مہینوں سے معاشقہ چل رہا تھا۔ نوجوان ہمیشہ اپنی معشوقہ سے ملنے کے لئے آتا رہتا تھا۔ جمعرات کو جب نوجوان ملنے کنہولی گاؤں پہنچا تو جمعہ کی صبح اس کے گھر والوں نے اسے پٹرول چھڑک کر زندہ جلا دیا جس سے وہ بُری طرح زخمی ہوگیا۔ گاؤں کے لوگوں نے اس کی اطلاع پولیس کو دی۔

خبر ملتے ہی موقع پر پہنچی سیوان پولیس نے نوجوان کو اسپتال میں بھرتی کرایا تھا جہاں اس کی موت ہوگئی۔

وہیں ایس ڈی پی او صدر جتندر پانڈے نے کہا کہ 'یہ معاملہ عشق سے جڑا ہے۔ پولیس واردات میں شامل لوگوں کی گرفتاری کے لئے چھاپہ ماری کر رہی ہے۔'