بھاگلپور شہر کے سب سے بڑے جنت الفردوس کروڑی مل قبرستان میں سب سے زیادہ مجمع نظر آیا چونکہ گزشتہ برس لاک ڈاؤن کی وجہ سے قبرستان پر حاضری کی اجازت نہیں تھی اس لئے رواں برس لوگوں میں کچھ زیادہ ہی جوش نظر آیا۔
شب برات
شب برات کے علاوہ غیرمسلم بھائیوں کا ہولیکا دہن بھی کیا جا رہا تھا لہذا اس کے پیش نظر انتظامیہ نے سکیورٹی کے سخت انتظام کئے تھے تاکہ کسی طرح کا کوئی ناخوشگوار واقعہ پیش نہ آئے۔ اس موقع پر مسلم رہنماوں نے لوگوں سے اپیل کی کہ مسلمان شب برات کو عبادت و ریاضت میں گزاریں اور لہو و لعب سے پرہیز کریں۔
شب برات کے موقع پر درگاہوں کو بھی چراغاں کیا گیا تھا، جہاں کثیر تعداد میں عقیدت مندوں نے حاضری دی اور دعائے مغفرت کا اہتمام کیا۔ سب سے زیادہ بھیڑ درگاہ شہبازیہ میں نظر آئی جہاں سینکڑوں لوگ جمع ہوئے۔
