ریاست بہار کے ضلع گیا اور ضلع نوادہ کے رہنے والے سات مزدور بنارس سے آٹھ دنوں میں گیا پہنچے ، سبھی مزدور ریلوے پٹریوں سے ہوکر گزررہے تھے تبھی ریلوے پولیس نے انہیں روکا۔
ان میں سے تین مزدور نوادہ ضلع کے سردلا تھانہ کے ماتحت گاؤں مہابل پور کے رہنے والے ہیں۔ نیز 4 مزدور ضلع گیا کے اتری تھانہ علاقے کے رہائشی ہیں۔
یہ سب بنارس میں رہتے تھے اوروہاں پر ٹائلس لگانے کاکام کرتے تھے ۔ مزدوروں کے مطابق لاک ڈاؤن کے بعد کھانے پینے میں انہیں مشکلات کاسامنا کرناپڑرہاتھا ۔
وہاں رین بسیرا میں بھی کھانا نہ ملنے کی صورت میں وہ فاقہ کشی پر مجبور تھے ، بالآخر پیدل ہی گھر کے لئے روانہ ہوگئے ۔
مزدوروں نے بتایاکہ وہ لوگ پیدل ریل پٹریوں کے سہارے آٹھ دنوں میں گیاپہنچے ، جہاں ریلوے اسٹیشن پر پکڑے جانے کا ڈر لگتاوہاں وہ دوسرا راستہ اختیار کرلیتے
آر پی ایف انسپکٹر انور سمیع صدیقی نے بتایاکہ رات میں انہیں گیا اسٹیشن سے ہوکر گزرتے دیکھ کر روکا گیا ، انہیں پہلے کھانا کھلایا گیا اور اسکے بعد اسکی اطلاع ضلع انتظامیہ کو دی گئی ۔
انتظامیہ اور محکمہ ہیلتھ کی ٹیم نے انکی ابتدائی جانچ کے بعد ایمبولنس سے کورینٹائن مرکز لیکر گئی ہے ، ضرورت پڑنے پر اسپتال میں بھرتی کرایاجاسکتاہے
