اس موقع پر محکمہ کے تمام لوگوں نے محمد فاروق کو بغیر کسی داغ کے ملازمت کی میعاد کو پوری کرنے پر دلی مبارکباد پیش کی اور ساتھ ہی باری باری سے پھول مالا پہنا کر کئی تحائف بھی پیش کئے، رخصت ہو رہے محمد فاروق نے جذباتی طور پر تمام لوگوں کا شکریہ ادا کیا۔
الوداعیہ تقریب میں مہمان خصوصی کی حیثیت سے صدر بلاک کے بی ڈی او رنجیت کمار نے شرکت کی۔
اس موقع پر بی ڈی او نے رخصت پذیر محمد فاروق کو مزید آگے کی زندگی کے لئے نیک خواہشات کا اظہار کرتے ہوئے کہا کہ فاروق صاحب صاحب ہمارے ارریہ بلاک کے ایک مضبوط سپاہی اور سینئر اردو مترجم تھے۔
یہ وقت کے نہایت پابند اور خوش اخلاق تھے، انہیں جو بھی کام سپرد کیا گیا بغیر کسی کوتاہی کے پوری ایمانداری کے ساتھ اپنے فریضہ کو انجام دیا، ان کے اندر ایک نہیں کئی جوبیاں ہیں، ان کے جانے کا غم ہم سبھی کو ہے مگر اچھی بات یہ ہے کہ اب یہ اپنا پورا وقت اپنے اہل خانہ کے درمیان گزاریں گے۔
اس موقع پر سبکدوش ہوئے محمد فاروق نے کہا کہ یہ تو ایک رسم ہے، اس ضابطہ کے مطابق سرکاری ملازمت کرنے والے سبھی کو ایک نہ ایک دن جانا ہے، مجھے خوشی اس بات کی ہے کہ میں نے پوری ایمانداری اور دیانتداری کے ساتھ ملازمتی فریضہ کو انجام دیا ہے، آج کے دن ہمارے محکمہ کے دوستوں نے جو عزت بخشی ہے اسے بھول نہیں سکتا، اس موقع پر ارریہ کے چیف عبد الحنان، اردو مترجم ولی اللہ، عبد الغنی، سرور عالم وغیرہ نے بھی اظہار خیال کیا۔
یہ بھی پڑھیں: ہر مسلمان پر صدقہ فطر ادا کرنا واجب ہے: نیاز احمد قاسمی
