ریاست بہار کے کیمور ضلع میں سرسوتی پوجا کا تہوار پرامن طور پر اختتام پذیر ہو گیا۔ اس تہوار کو ہندو مذہب کے لوگ بڑے دھوم دھام سے مناتے ہیں۔ اس خاص تہوار کے موقع پر نوجوانوں میں کافی جوش و خروش دیکھا گیا۔
واضح رہے کہ اس تہوار کو منانے کے بعد مورتی کو پانی میں وسرجن کرنے کی روایت ہے۔
کیمور میں مورتی وسرجن پر سکیورٹی سخت
اس سلسلے میں کیمور ایس پی دلنواز احمد اور ضلع مجسٹریٹ نول کشور چودھری نے آج ضلع کے سبھی تھانہ اور گھاٹوں کا معائنہ کیا اور ہدایت بھی جاری کی۔
دونوں افسران اس سلسلے میں چین پور تھانہ پہنچے اور دونوں افسران نے پوری طرح سے حالات کا جائزہ لیا۔ اس دوران انہوں نے سبھی پولیس عملہ کو بدمعاشوں پر نظر رکھنے اور وسرجن کے موقع پر سبھی گھاٹوں پر پولیس فورس کے ساتھ غوطہ خوروں کو تعینات کرنے کی ہدایت دی۔
