ریاست بہار میں بھاگلپور ضلع کے سبور تھانہ علاقہ کے مسا ڑھ گاﺅں کے نزدیک آج قومی شاہراہ پر ایک ٹرک سے کچل کر خاتون سمیت دو لوگوں کی موت ہوگئی اور ایک دیگرشدید طور سے زخمی ہوگئے۔
پولیس ذرائع نے بتایاکہ مرنے والوں کی شناخت ریشما دیوی اور ریشب کے طور پر ہوئی ہے جو رشتے میں دیور۔ بھابھی ہیں۔
خاتون اپنے دیور اور رشتے دار رنجیت یادو کے ساتھ موٹر سائیکل سے ناتھ نگر علاقہ سے ضلع کے اٹھنیاں دیارا جارہے تھے، تبھی مساڑھ گاﺅں کے نزدیک سامنے سے آ رہی تیز رفتار ٹرک نے انہیں روند دیا۔
حادثے میں دیور، بھابھی کی موقع پر ہی موت ہوگئی جبکہ رنجیت یادو شدید طور سے زخمی ہوگئے، گاﺅں والوں کی مدد سے زخمی کو پولیس نے بھاگلپور میڈیکل کالج ہسپتال میں داخل کرایا ہے ۔
واقعے کے بعد گاﺅں والوں نے قومی شاہراہ نمبر۔80 کو جام کر کے مرنے والوں کے اہل خانہ کو مناسب معاوضہ دینے اور تیز رفتار والے ٹرکوں کی آمد ورفت پر روک لگانے کا مطالبہ کر رہے ہیں۔
حادثے کی جانکاری ملتے ہی مقامی پولیس اور انتظامی افسران موقع پر پہنچ کر لوگوں کو سمجھانے کی کوشش کر رہے ہیں ۔
