پولیس ذرائع نے بتایا کہ اترپردیش کے گورکھپور ضلع کے کھجنی ناتھ علاقہ کے جرلہی گاﺅں کے باشندے سنجے سنگھ اور ان کے بھائی بجرنگی سنگھ اپنے دوست سنتوش سنگھ کے ساتھ دو اور لوگوں کو لے کر جھارکھنڈ کے رانچی جا رہے تھے تبھی سوہڈیہہ گاﺅں کے مہتا کولڈ اسٹوریج کے نزدیک ایک ٹرک سے ٹکر ہوگئی۔
اس واقعہ میں کار پر سوار دو لوگوں کی موقع پر ہی موت ہوگئی جبکہ تین دیگر زخمی ہوگئے۔ واقعہ کے بعد ٹرک کا ڈرائیور گاڑی چھوڑکر فرار ہوگیا ۔ذرائع نے بتایاکہ زخمیوں کو بہار شریف صدرا سپتال میں داخل کرایا گیا جہاں علاج کے دوران ایک دیگر شخص کی موت ہوگئی ۔ دو دیگر زخمیوں کو ابتدائی علاج کے بعد پٹنہ ریفر کر دیا گیا ہے۔
مرنے والوں کی شناخت سنجے سنگھ ، بجرنگی سنگھ اور اتر پردیش کے کشی نگر ضلع کے رام کولا تھانہ علاقہ کے بھرپٹیا گاﺅں باشندہ نند لال راج بھر کے بیٹے موہت راج بھر کے طورپر کی گئی ہے ۔ لاشیں پوسٹ مارٹم کیلئے بہار شریف صدر اسپتال بھیج دی گئی ہیں۔
