اقلیتی منصوبوں پر ارکان اسمبلی نے اُٹھائے سوال

ریاست بہار میں اقلیتوں کی فلاح و بہبود کے لیے فلاحی منصوبوں کے نفاذ کا حکومت دعویٰ کر رہی ہے تاہم یہ منصوبے زمین پر کتنا کام کر رہے ہیں، ان کا نفاذ کس حد تک ہوا ہے، اس پر غور و خوض کی ضرورت ہے۔

ریاستی حکومت نے اقلیتی طبقے کی فلاح و بہبود کے لیے رواں مالی برس میں 400 پچاس کروڑ کا بجٹ مختص کیا تھا اور کئی منصوبے چلائے جا رہے ہیں۔

زماں خان

ای ٹی وی بھارت کے نمائندے متعلقہ حکام سے اس ضمن میں گفتگو کرنی چاہی تو کوئی بھی ذمہ دار کیمرے کے سامنے بات کرنے کے لیے تیار نہیں ہوئے۔

ای ٹی وی بھارت کے نمائندے کے مطابق محکمہ کے پرنسپل سیکریٹری عامر سبحانی اور محکمہ اقلیتی فلاح ڈائریکٹوریٹ کے ڈائریکٹر امیر آفاق احمد فیضی بھی کیمرے کے سامنے بولنے کو تیار نہیں ہوئے۔

نہال الدین

محکمہ اقلیتی فلاح کے نئے وزیر اشوک چوہدری کو ذمہ داری سنبھالے ایک مہینہ بھی نہیں ہوا ہے، انھوں نے بھی بات کرنے سے گریز کیا۔

اس تعلق سے آر جے ڈی اور بی ایس پی کے رکن اسمبلی نے کہا کہ حکومت نے مسلمانوں کی مسیحائی کا دعویٰ جھو ٹا دعویٰ کیا ہے۔ کوئی منصوبہ زمین پر نظر نہیں دکھ رہا ہے۔

رکن اسمبلی نہال الدین نے کہا کہ نتیش کمار مسلمانوں کی مسیحائی کا جھوٹا دعویٰ کرتے ہیں. انہوں نے مسلم وزیر نہیں دیا۔

آر ایس ایس کے دباؤ میں کام کر رہے ہیں، کہیں بھی کوئی منصوبہ زمین پر نظر نہیں آتا ہے۔

وہیں رکن اسمبلی و بی ایس پی رہنما زماں خان نے کہا کہ ان کے علاقے میں حکومت کا کوئی فلاحی منصوبا نظر نہیں دکھ رہا ہے، قبرستانوں کی گھیرا بندی نہیں ہونے کے سبب اکثر علاقوں میں کشیدگی برقرار رہتی ہے۔ اوقاف کا برا حال ہے۔ مدرسوں کو سرکاری مدد نہیں مل پا رہی ہے۔