چارہ گھوٹالہ معاملے میں سزا یافتہ آر جے ڈی سپریمو لالو پرساد یادو کو دیوگھر ٹریزری معاملے میں ضمانت مل گئی ہے، ابھی وہ جیل میں رہیں گے۔ دیگر دو معاملے میں انہیں ضمانت ملنا باقی ہے۔ اس معاملے میں ضمانت کے بعد آر جے ڈی کے رہنماؤں میں زبردست جوش نظر آ رہا ہے۔ اس فیصلے کے بعد لالو کے خاندان نے بھی راحت کی سانس لی ہے۔
آر جے ڈی کے رہنما کا کہنا ہے کہ 'اس فیصلے کا اثر دوسرے معاملوں پر بھی پڑے گا اور لالو یادو کو جلد ہی تمام معاملوں میں ضمانت مل جائے گی، ساتھ ہی بہار کی سیاست پر بھی اس کا اثر پڑے گا۔'
آر جے ڈی کے رکن اسمبلی بھائی وریندر نے کہا کہ 'لالو پرساد یادو کو ضمانت ملنے کے بعد عظیم اتحاد کے خیمے میں اور مضبوطی آئے گی۔ تیجسوی یادو مضبوطی سے عظیم اتحاد کے رہنما بنے رہیں گے۔ آئندہ برس ہونے والے انتخابات میں عظیم اتحاد کی حکومت قائم ہوگی اور تیجسوی یادو ریاست کے وزیراعلیٰ بنیں گے۔'
قانون ساز کونسل کے رکن اور ریاست کے وزیر ونود نارائن جھا نے آر جے ڈی کے جشن پر طنز کرتے ہوئے کہا کہ 'عدالت کے فیصلے پر کوئی ردعمل ظاہر کرنا مناسب نہیں ہے۔'
