گیا کے ڈسٹرک مجسٹریٹ ابیھشیک سنگھ نے کال چکر اور چرلنڈ پارک کا جائزہ لیا جہاں بدھ پرنما کے موقع پر عقیدت مند قیام کریں گے۔
بدھ پرنما کے موقع پر ملک بھر خاص کر مہاراشٹر سے عقیدت مند کافی تعداد میں بودھ گیا آتے ہیں۔
مراٹھی عقیدت مندوں کو دشواری پیش نہیں آئے اس لیے مراٹھی زبان میں سائن بورڈ لگانے کی بھی ہدایت دی گئی ہے۔
قابل ذکر ہے کہ اس سے پہلے گیا کی کمشنر ٹی این بندیشوری کی قیادت میں بھی ایک میٹنگ کا اہتمام کیا گیا تھا۔ اس میٹنگ میں بدھ پرنما کے موقع پر حفاظتی انتظامات کے متعلق تبادلہ خیال کیا گیا تھا۔
