ضلع کے سبھی سرکاری تعلیمی مرکز میں یوم پیدائش منائے جانے کی اطلا ع ہے۔
دراصل ریاستی حکومت کے زریعہ کیمور سمیت پورے ریاست میں مولانا ابوالکلام آزاد کی یوم پیداٸش منانے کا حکم محکمہ تعلیم کے زریعہ سبھی مڈل اور پراٸمری اسکول کو دیا گیا تھا۔
اسی کے توسط سے سبھی اسکول میں یوم پیداٸش منائی گئی۔
اس موقع پر اسکول میں اساتذہ نے سب سے پہلے مجسمہ پر خراج عقیدت پیش کیا ۔اس کے بعد بچوں کے بیچ مولانا آزاد کی زندگی پر روشنی ڈالی گئی۔ اساتذہ نے اسکول میں بچوں کو بتایا کی مولانا ابوالکلام آزاد کی یوم پیدائش کس مناسبت سے منایا جاتا ہے۔
مولانا آزاد 11 نومبر 1888 کو پیدا ہوئے۔ وہ ملک کے پہلے وزیر تعلیم تھے۔ ہمارے ملک کی آزادی میں ان کا بہت ہی اہم کردار رہا ہے۔ ملک کی تقسیم کے وہ سخت مخالف تھے۔
اپنی پوری زندگی قوم و ملت کے لئے وقف کر دی۔ حتی کہ اپنی شریک حیات محترمہ زلیخا بیگم کے جنازے میں بھی شریک نہ ہو سکے۔ اس وقت وہ جیل میں تھے۔ جو ان کے حب الوطنی کی نمایاں مثال ہے۔
'تحریک عدم تعاون' ، 'بھارت چھوڑو تحریک' اور خلافت تحریک میں ان کا اہم کردار رہا ہے۔ تحریک آزادی کے دوران مولانا کو متعدد بار جیل کی مشقتیں برداشت کرنی پڑی۔
آزادی کے بعد بحیثیت وزیر تعلیم بہت ہی اہم کارنامے انجام دئے ہیں۔ یونیورسٹی گرانٹ کمیشن انہیں کی دَین ہے۔
