پولیس نے بتایاکہ منگل کی دیر رات ایکما تھانہ علاقہ کے سنکائے گاﺅں واقع شمال مشرقی ریلوے کے گیٹ نمبر 66 سی پر بحال ملازم سونو کمار ( 35) اپنی ڈیوٹی پر تعینات تھا۔ اسی دوران کسی زہریلے سانپ نے اسے کاٹ لیا۔
واقعہ کی اطلاع ملنے کے بعد اسے علاج کیلئے چھپرہ صدر ہسپتال لایا گیا۔ صدر ہسپتال کے ڈاکٹروں نے اس کی نازک حالت کو دیکھتے ہوئے اسے پٹنہ میڈیکل کالج ہسپتال ( پی ایم سی ایچ ) ریفر کردیا۔
ذرائع نے بتایاکہ ریل ملازم کو پٹنہ لے جایا جا رہا تھا تبھی راستے میں اس کی موت ہوگئی۔ متوفی پٹنہ ضلع کے بہٹا کا رہنے والا تھا۔ چھپرہ صدر ہسپتال میں پوسٹ مارٹم کرائے جانے کے بعد لاش آج اہل خانہ کو سونپ دی گئی ہے۔
