پٹنہ: بدعنوانی میں ملوث کشن گنج ایگزیکٹیو انجینئر سنجے کمار رائے کے پٹنہ اور کشن گنج کے کئی ٹھکانوں پر مانیٹرنگ بیورو ٹیم نے آج چھاپے ماری کی۔ جہاں سے مانیٹرنگ بیورو ٹیم کو تقریباً 5 کروڑ روپے نقد برآمد ہوئے ہیں۔
اس کے علاوہ سنجے کمار رائے کی پٹنہ اور دانا پور رہائش گاہ سے تقریباً ایک کروڑ نقد، لاکھوں روپے مالیت کے زیورات، زمین اور فکسڈ ڈپازٹ کے کاغذات برآمد ہوئے ہیں۔ زیادہ تر نقدی بستر کے نیچے سے برآمد ہوئی ہے۔ Engineers house raided in Bihar
مزید پڑھیں:
مانیٹرنگ بیورو ٹیم کی جانب سے آج کی جو کارروائی کی گئی ہے وہ سرویلنس تھانہ مقدمہ 43/2022 کے تحت کی گئی ہے۔ تاہم برآمد ہوئے نقدی رقم کی مشین سے گنتی کے بعد ہی درست اعداد و شمار کا پتا چل سکے گا۔ پٹنہ کے علاوہ کشن گنج میں بھی چھاپے مارے کئے گئے ہیں وہاں سے بھی زمین اور فکسڈ ڈپازٹ کے کاغذات برآمد ہوئے ہیں، جن کی چھان بین کی جا رہی ہے۔
