سشیل مودی نے جمعرات کو سوشل نیٹ ورکنگ سائٹ ٹوئٹر پر ٹوئٹ کر کے کہاکہ راہل گاندھی نے مودی سرنیم والے پسماند طبقہ کے لاکھوں لوگوں کو چور بتانے والا جو شرمناک بیان دیاتھا، اس معاملے میں پیش ہونے کے لیے وہ سورت پہنچے۔ اب اسی طرح انہیں پٹنہ بھی آنا پڑے گا۔ انہوں نے (سشیل مودی) 2019 کے اس بیان کے خلاف ہتک عزت کا مقدمہ دائر کیا ہے۔
بی جے پی رکن پارلیمنٹ نے کہا کہ راہل گاندھی نے رافیل جنگی طیارہ سودے میں گڑبڑی کا بے بنیاد الزام لگاتے ہوئے ” چوکیدار چور ہے “ جیسا اوچھا بیان دیا تھا ۔ اس بیان سے ہندوستان کے منتخب وزیر اعظم نریندر مودی کی ہی نہیں، سوا ارب لوگوں کی بے عزتی تھی۔ اس کی وجہ سے انہیں سپریم کورٹ میں معافی مانگنی پڑی تھی۔
مزید پڑھیں :سشیل کمار مودی نے راجیہ سبھا کے لئے پرچہ نامزدگی داخل کیا
انہوں نے کہا کہ ” راہل کے ایسے بیانات کانگریس کی اوچھی ذہنیت کو ظاہر کرتے ہیں کہ ہندوستان کا وزیر اعظم صرف گاندھی سرنیم والے کنبہ سے ہو سکتا ہے۔ آرجے ڈی جیسی کانگریس کی حلیف جماعت اس بیان پر خاموشی اختیار کر کے جمہوریت کو خاندانی بادشاہت میں بدلنے کی حمایت کر رہی ہیں۔
یو این آئی
