پٹنہ: لاک ڈاون سے کاروباری پریشان

بہار کے دارالحکومت پٹنہ سمیت ریاست کے چھہ اضلاع میں مکمل طور پرلاک ڈاؤن نافذ کیا گیا ہے جس کا اثرآج پٹنہ کے متعدد علاقے میں دیکھنے کو ملا۔

اطلاعات کے مطابق کورونا وبا میں اضافے کے پیش نظر 16 جولائی تک نافذ اس لاک ڈاون میں سبھی مذہبی مقامات مکمل طور پر بند رہیں گے۔ اس کے علاوہ مال، کمپلیکس اور غیر ضروری اشیا کی دکانیں بھی بند رہیں گی ۔


وہیں دوا ، دودھ، اور ضروری اشیا کی تمام دکانیں صبح 6 سے رات 10 بجے تک کھلیں گی. جبکہ پھل سبزی گوشت اور مچھلی کی دکانیں صبح 6 سے 10 تک اور شام 4 سے 7 بجے تک کھلیں گی۔ اس دوران ریاست میں چلنے والی گاڑیوں پر کسی قسم کی پابندی عائد نہیں کی گئی ہے ۔

لاک داؤن کے تعلق سے مقامی کپڑا دکاندار اشوک کمار نے کہا کہ 'اس لاک ڈاون کی وجہ سے کاروبار ٹھپ ہے. حکومت نے متبادل انتظامات کئے بغیر اچانک سے لاک ڈاون نافذ کر دیا جس سے دکاندار بدحال ہو چکے ہیں.سبزی کاروباری شوکت کا کہنا ہے کہ حکومت نے اچانک لاک ڈاون نافذ کر دیا . حکومت کو اس بات کی فکر نہیں ہے کہ ریاست میں غریب کس حالت میں ہیں ۔ربندر کمار نے کہا کہ اس علاقے میں صاف صفائی کا کوئی نظم نہیں ہے، کبھی اس علاقے کو سینیٹائز نہیں کیا گیا. اور نہ ہی یہاں کے مقامی رکن اسمبلی نے اس علاقے کی خبر لی۔