واضح رہے کہ بھوپال سے رکن پارلیمان اور مالیگاؤں بم دھماکے کی ملزمہ سادھوی پرگیہ سنگھ ٹھاکر نے گذشتہ دنوں پارلیمان میں ناتھو رام گوڈسے کو محب وطن کہا تھا۔
اس بیان کے بعد ملک کا سیاسی ماحول گرم ہو گیا تھا اور پرگیہ ٹھاکر کے خلاف احتجاج تیز ہو گیا تھا۔ اس کڑی میں آج دربھنگہ میں بھی کانگریس پارٹی کے کارکنان نے مرکزی حکومت اور وزیر داخلہ امیت شاہ اور پرگیہ ٹھاکر کا پتلا نزر آتش کر کے زبردست احتجاج کیا-
اس موقع پر ای ٹی وی بھارت اردو سے بات کرتے ہوئے کانگریس پارٹی کے مقامی رہنما نے کہا کہ سادھوی پرگیہ ٹھاکر اس سے پہلے بھی اس طرح کے بیانات دے چکی ہیں پھر بھی وہ رکن پارلیمان بنی اور بی جے پی نے ان کے خلاف کسی قسم کی کارروائی نہیں کی۔
تاہم انہیں رکن پارلیمان کے عہدے سے برخاست کیا جائے نہیں تو ہم ان لوگوں کا احتجاج جاری رہے گا-
وہیں اس موقع پر کانگریس پارٹی کے یوتھ ضلع صدر راہل کمار جھا نے کہا کہ یہ سونچ کی لڑائی ہے جس سونچ اور فکر کی پاسداری پرگیہ ٹھاکر کر رہی ہیں۔
وہ پہلے بھی اس طرح کے بیانات دے چکی ہیں ہمارے وزیر اعظم نے کہا تھا کہ ہم اپنے من سے معاف نہیں کریں گے اس کے بعد بھی پرگیہ ٹھاکر نے اس طرح کا بیان دیا ہے۔
بی جے پی کی یہ دو طرفہ سونچ ہے ایک طرف بولتے ہیں معاف نہیں کریں گے اور دوسری طرف وہ ڈفنش کمیٹی کی ممبر ہیں۔
انہوں نے مزید کہا کہ کچھ دنوں پہلے آءی پی ایس افسر ہیمنت کرکرے کے متعلق بھی پرگیہ ٹھاکر نے غلط بیانی کی تھی۔
اس پرگیہ ٹھاکر کو پارلیمان کا ممبر بنوا دیا گیا جو نہ تو ملک کے آئین کو مانتی ہیں نہ مہاتما گاندھی کو مانتی ہیں اور نہ ہی شہیدوں کی قدر کرتے ہیں
