دربھنگہ: گورکھپور کے مشہور ماہر امراض اطفال ڈاکٹر کفیل خان کی رہائی کے لئے انصاف منچ اور آل انڈیا اسٹوڈنٹس ایسوسی ایشن کی جانب سے دربھنگہ کے متعدد مقامات پر آج احتجاج کیا گیا ۔
اس دوران پروگرام سے خطاب کرتے ہوئے انصاف منچ کے ریاستی نائب صدر نیاز احمد نے کہا کہ 'حکومت کی پالیسیوں کی مخالفت کرنے پر ڈاکٹر کفیل کو قید کرنا غیر قانونی ہے۔ حکومت عوام کی آواز کو دبانے کی کوشش کر رہی ہے اور پورا ملک حکومت کے اس طرز عمل کے خلاف ہے اس لئے ہم حکومت سے ڈاکٹر کفیل کی فوری رہائی کا مطالبہ کرتے ہیں۔
ڈاکٹر کفیل خان کی رہائی کے لئے دربھنگہ میں احتجاج۔ ویڈیو
اس موقع پر آل انڈیا اسٹوڈنٹس ایسوسی ایشن کے نائب سکریٹری سندیپ کمار نےکہا کہ 'مجبور مریضوں کی مدد کرنے والے ڈاکٹر کفیل خان کو حکومت کو رہا کرنا ہوگا ۔
