ضلع گیا کے انتہائی نکسل متاثر علاقہ امام گنج میں آج سی اے اے و این آر سی کی مخالفت کی آواز گونجی، ہزاروں کی تعداد میں امام گنج کے لوگ جلسہ میں پہنچے ۔
جلسہ سے سی اے اے کی مخالفت میں کہا گیا کہ 'شہریت ترمیمی قانون کا مسئلہ اب عوامی تحریک کی شکل اختیار کر چکا ہے۔ جتنی آواز حکومت کچلے گی اس سے زیادہ آواز اٹھے گی ، جلسے کی صدارت بہار اسمبلی کے سابق اسپیکر ادئے نارائن چودھری نے کی۔
دواصل آئین بچاؤ سنگھرش مورچہ کے ذریعے جلسہ کا انعقاد کیا گیا۔
ادئے نارائن چودھری نے اپنے صدارتی خطبہ میں کہا کہ 'سی اے اے و این آر سی اور این پی آر کے مسئلہ پر عوام کے جذبات اور احساسات کو اب روکنا کسی کے بس کی بات نہیں ہے۔'
انہوں نے کہا کہ 'وزیر داخلہ امت شاہ اگر اس قانون پر ایک انچ پیچھے ہٹنے کو تیار نہیں ہیں تو پھر عوام کے پاس بس ایک ہی راستہ سڑک پر اتر کر مظاہرہ کرنا ہے۔'
انہوں نے کہا کہ 'کچھ دنوں کے اندر مظاہرین کو روکنے میں حکومت کامیاب نہیں ہوپائیگی۔
جلسہ میں سماجی خدمتگار پرشانت کنوجیا اور سنویدھان بچاو مورچہ کے کنوینر عمیر احمد خان عرف ٹکا خان، امبیڈکر سنگھرش مورچہ کے کنوینر ستیش کمارداس، سابق رکن اسمبلی رام سروپ پاسوان سمیت کئی سیاسی لیڈران نے خطاب کیا اور سی اے اے کو واپس لینے کامطالبہ کیا۔
