گیا: عیدالاضحیٰ Eid Ul Adha کے پیش نظر مسجدوں، عید گاہوں اور دیگر مقامات پر تیاریاں مکمل ہوچکی ہیں۔ کل اتوار کو بقر عید منائی جائے گی، حالانکہ قربانی کا سلسلہ بدھ تک جاری رہے گا۔ شہر گیا کی بڑی مسجدوں میں ایک پولیس لائن کے خطیب امام مولانا شبیر اشرفی نے کہا کہ شہر کی مساجد اور عید گاہوں میں صفائی کا کام ہوچکا ہے، جب کہ بارش کے پیش نظر بھی احتیاط کے طور پر کھلی جگہوں پر رات تک انتظامات کر لیے جائیں گے۔ گرچہ امسال بھی کورونا مکمل طور پر ختم نہیں ہوپایا ہے، تاہم امسال بقرعید کے پیش نظر زیادہ چہل پہل دکھائی دے رہی ہے، حالانکہ مساجد میں انتظامات کے حوالے سے مولانا شبیر اشرفی نے کہا کہ ایسا نہیں ہے کہ صاف صفائی یا بجلی پنکھے وغیرہ کے انتظامات نہیں ہوتے ہیں، البتہ خاص موقع کی مناسبت سے اضافی طور پر انتظامات ہوتے ہیں اور یہ انتظام کسی خاص شخص کے لیے نہیں بلکہ تمام مصلیان کے لیے ہوتے ہیں۔'
وہیں موجودہ حساس حالات کے پیش نظر انتظامیہ کی جانب سے بھی تیاری ہوچکی ہے، صدر ایس ڈی او اندر ویر کمار نے شہر میں فلیگ مارچ کے بعد نامہ نگاروں سے کہاکہ بقرعید کے موقع پر سڑک سے لیکر سوشل میڈیا تک انتظامیہ کی کڑی نگاہ ہوگی، سب ڈویژن میں ڈیڑھ سو سے زیادہ حساس مقامات کی نشاندہی کی گئی ہے، جہاں پر مجسٹریٹ کی نگرانی ہوگی۔'
واضح رہے کہ ضلع گیا میں صبح 5:45 سے عیدالاضحیٰ کی نماز کا سلسلہ شروع ہوگا اور سب سے آخری میں صبح دس بجے اقبال نگر کربلا میں واقع عید گاہ میں نماز ادا کی جائے گی۔'
مزید پڑھیں:
