ریاستی الیکشن دفتر کے مطابق ایل جے پی امیدوار پرنس راج نے کانگریس کے ڈاکٹر اشوک رام کو 102090 ووٹوں کے کثیر فرق سے شکست دی ہے۔ گنتی ختم ہونے پر مسٹر راج کو جہاں 390276 ووٹ حاصل ہوئے ۔ جو کل ویلڈ ووٹوں کا 49.48 فیصد ہے ۔ وہیں ڈاکٹر رام کو 36.54 فیصد یعنی 288186 ووٹ حاصل ہوئے ۔
مسٹر پرنس راج نے اس ضمنی انتخاب میں ووٹوں کے فرق کے معاملے میں اپنے والد اور اس سیٹ کے سابق رکن پارلیمنٹ آنجہانی رام چند ر پاسوان کو کافی پیچھے چھوڑ دیا ہے ۔ سال 2019 میں ختم ہو ئے لوک سبھا انتخاب میں مسٹر پاسوان نے کانگریس کے ڈاکٹر رام کو ہی محض 6872 ووٹوں کے معمولی فرق سے شکست دی تھی ۔ عوام کی ہمدردی مسٹر پرنس راج کوبھاری اکثیر یت حاصل کرنے میں مدد گار رہی ہے ۔
واضح رہے کہ ایل جے پی سپریمو اور مرکزی وزیر رام ولاس پاسوان کے چھوٹے بھائی رام چندر پاسوان کے انتقال کی وجہ سے سمستی پور سیٹ خالی ہوئی ہے ۔ مسٹر رام چندر پاسوان کا 21 جولائی 2019 کو دہلی کے رام منوہر لوہیا اسپتال میں انتقال ہو گیا تھا۔
