برین ہیمریج سے سب انسپکٹر کی موت

ریاست بہار کے مغربی چمپارن ضلع کے شکار پور تھانہ میں بحال پولیس سب انسپکٹر بینی مادھو سنگھ کی برین ہیمریج سے موت ہوگئی۔

پولیس ذرائع نے بتایا کہ سنگھ کی طبیعت منگل کی رات اچانک خراب ہوگئی جس کے بعد انہیں فوراً نرکٹیا گنج صدر اسپتال میں داخل کرایاگیا ۔
ابتدائی علاج کے بعد ڈاکٹروں نے پولیس سب انسپکٹر کو نازک حالت میں بیتیا ریفر کر دیا اور راستے میں ہی ان کی موت ہوگئی۔

ذرائع نے بتایا کہ ایم جے کے اسپتال میں آج لاش کا پوسٹ مارٹم کرایا گیا جس میں خلاصہ ہواکہ ان کی موت برین ہیمریج سے ہوئی ہے۔

پوسٹ مارٹم کے بعد لاش کو پولیس لائن لایا گیا جہاں انہیں سلامی دی گئی۔ اسکے بعد سنگھ کی لاش کو ان کے آبائی گاﺅں بھیج دیا گیا۔