کھگڑیا: بہار میں کھگڑیا ضلع کے مانسی تھانہ علاقہ سے پولیس نے اسلحہ کے ساتھ تین بدمعاشوں کو گرفتار کرلیا ہے۔
پولیس ذرائع نے منگل کو بتایاکہ سوموار کی دیر رات کھٹیا گاﺅں کے نزدیک پولیس گشت کر رہی تھی، تبھی شک کی بنیاد پر موٹر سائیکل سوار تین لوگوں کو روک کر اس کی تلاشی لی گئی۔ تلاشی کے دوران ایک نوجوان کے پاس سے ایک دیسی کٹا اور دو کارتوس برآمد کئے گئے، جس کے بعد تینوں کو گرفتار کرلیا گیا۔
ذرائع نے بتایا کہ گرفتار بدمعاشوں کی شناخت سکھدیو یادو، بابو صاحب یادو اور پنٹو سدا کے طور پر کی گئی ہے۔ پولیس ان سے معاملے تفتیش کر رہی ہے۔
