ریاست بہار کے ضلع کیمور میں پولس کے سامنے اس وقت ایک عجیب و غریب معاملہ پیش آیا جب ایک معشوقہ کی شکایت پر پولس نے اسکے عاشق کی گرفتاری کے بعد دونوں کی شادی کرائی، موقع پر ہند و رواج کے مطابق منتر اور جاپ پڑھنے والا پنڈت نہیں ملا، کافی کوشش کے بعد پولس کو ہی پنڈت کا رول ادا کرنا پڑا، تب جا کر سات پھیروں کے بعد عاشق اور اسکی معشوقہ رشتہ ازدواج سے منسلک ہوئے۔
دراصل کیمور ضلع کے سونہن تھانہ کے کروندھی گاٶں کی رہاٸشی ایک لڑکی نے بھبھوا میں واقع لیڈیز تھانہ میں ضلع روہتاس کے ایک لڑکے کے خلاف شکایت درج کرائی، جس میں لڑکی کی جانب سے کہا گیا تھا کی لڑکی کا اس لڑکے سے تقریبا چار سال سے عشق چل رہا تھا، جب لڑکی نے شادی کے لئے دباٶ ڈلا تو لڑکا بار بار شادی سے انکار کرنے لگا۔
پولس نے لڑکی کی شکایت کے بعد لڑکے کو اس کے گھر سے گرفتار کیا اور دونوں کے والدین کی آپسی رضامندی کے بعد لیڈیز تھانہ کے احاطہ میں واقع بابا کو ٹیشور مندر میں شادی کرائی، شادی کے بعد پولس کو اس وقت عجیب و غریب حالات کا سامنا کرنا پڑا جب شادی کے موقع پر پنڈت ہی موجود نہیں تھا، آخر پولس کو ہی پنڈت کا رول ادا کرنا پڑا۔
