وزیراعظم نریندر مودی نے چھپرہ میں ریلی سے خطاب کرتے ہوئے کہا کہ جو حال اترپردیش میں راہل گاندھی اور اکھیلیش یادو کا ہوا ہے، وہی حال تیجسوی یادو کا بہار میں ہوگا، یہ ڈبل ڈبل یوراج اپنے اقتدار کو بچانے کی لڑائی لڑرہے ہیں۔
وزیراعظم نے چھرہ کی ریلی میں مزید کہا کہ 'چھپرہ کی بھیڑ کو دیکھ کر یہ اندازہ ہوگیا ہے کہ بہار میں این ڈی اے کی حکومت قائم ہونے والی ہے اور یہ بھیڑ دیکھ کر حزب اختلاف پریشان ہوگیا ہے۔
مودی نے یہ بھی کہا کہ بہار کے سامنے ڈبل انجن والی حکومت ہے تو دوسری جانب ڈبل ۔ ڈبل یوراج ہیں اور ایک تو جنگل کے یوراج بھی ہیں۔
انھوں نے کہا کہ بہار کی خواتین کو میں کہنا چاہتا ہوں کہ تم چھٹھ پوجا کی تیاری کرو دہلی میں تمھارا بیٹا بیٹھا ہے۔
