ضلع انتظامیہ اپنی جانب سے مختلف نہج سے ماسک اور جسمانی دوری پر عمل کرانے کو کوشاں ہیں مگر عوام اسے ہلکے پھلکے انداز میں لے رہی ہے، تمام گائیڈ لائن کو توڑ لوگ خریداری میں مصروف ہیں۔
عوام کی لاپرواہی کا نظارہ شہر کے مختلف چوک چوراہوں کے شاپنگ سینٹر اور دوکان میں دیکھا جا سکتا ہے جس میں لوگ جان کی پروا کئے بغیر خریداری میں مصروف ہیں۔
حالانکہ ضلع انتظامیہ کی جانب سے دوکان کھولنے کی الگ الگ دن مقرر اسی لئے کیا گیا تھا تاکہ بازار میں خرید و فروخت کے درمیان بھیڑ جمع نہ ہو، مگر عوام کی لاپرواہی کھل کر سامنے آ رہی ہے اور ضلع انتظامیہ کی کوشش ناکام ہوتے دکھ رہی ہے۔
خریداری کرنے والوں میں زیادہ تر خواتین کی بھیڑ ہے جو بغیر ماسک کے خریداری کر رہی ہے، ساتھ ہی دوکان کے اندر جسمانی فاصلے کا بھی اہتمام نہیں کر رہی ہے ہیں جو فکر کرنے والی بات ہے، حالانکہ بھیڑ جمع نہ ہو اس کے لئے ضلع انتظامیہ نے شہر کے چاندنی چوک، اے ڈی بی چوک ،کالی مندی ،زیرو مائل ، کچہری روڈ اور جامع مسجد کے علاقوں میں پولیس تعینات کی ہے۔
اس سلسلے میں دکاندار بتاتے ہیں چونکہ ہفتے میں تین دن ہی کپڑے کی دکان کھولنے کی اجازت ہے اور سامنے عید کا تہوار ہے تو دور دراز و دیہی علاقوں سے خریداری کرنے والے زیادہ آ رہے ہیں، ہم لوگ پوری کوشش کرتے ہیں کہ انہیں بغیر ماسک کے دکان میں داخل نہ ہونے دیں مگر خاتون بضد ہو جاتی ہیں لہٰذا تھوڑی رعایت کرنی پڑتی ہے۔
