اجلاس میں عیدالضحی کے دن صاف صفائی اور سکیورٹی کے مسئلہ پر ہدایات کے ساتھ قربانی اور جانوروں کو لیکر ہو رہی افواہوں کو بھی واضح کیا گیا۔
انتظامیہ نے واضح کیا ہے قدیم روایت میں جس طرح سے جو ہوتا چلا آرہا سب کچھ اسی طرح سے ہوگا۔
'امن وامان کے ساتھ عید الضحی منائی جائے گی'
ڈی آر ڈی اے کے آڈٹوریم میں اس اجلاس میں ضلع کے تمام اعلی افسر، عوامی نمائندہ اور پیس کمیٹی کے ممبران نے شرکت کی۔
اجلاس میں امن امان کے ساتھ تہوار منانے کے لیے پیس کمیٹی کے ممبران نے انتظامیہ کو کئی ضروری تجاویز دیں۔
پیس کمیٹی کے اجلاس میں ڈی ایم نے تمام تجاویز کی سماعت کرنے کے بعد انتظامیہ کو صاف صفائی کے ساتھ تمام مسائل کو وقت پر حل کرانے کی اپنے اہلکاروں کو ہدایت دی۔
ڈی ایم نے امید ظاہر کی ہے کہ ہر بار کی طرح اس بار بھی عید الضحی امن و امان کے ساتھ منائی جائے گی۔
