پوون ورما نے کہا کہ انہیں پارٹی سے کچھ جواب چاہیے جو انہیں ابھی تک نہیں ملا ہے اور اگر جواب نہیں ملتا ہے تو وہ پورے طریقے سے آزاد ہیں۔
واضح رہے کہ وزیر اعلی نیتیش کمار نے جے ڈی یو رہنما پوون ورما کو نصیحت دیتے ہوئے کہا ہے کہ وہ اپنی پارٹی کے ہر لیڈر او خاص کر پوون ورما کی بہت عزت کرتے ہیں، لیکن پوون ورما کا اس طرح سے مخالفت کرنا صحیح نہیں ہے۔
انہوں نے مزید کہا تھا کہ پوون ورما پارٹی سے مکمل طور سے آزاد ہیں۔ان کو جہاں جانا ہے جاسکتے ہیں۔ان کے ساتھ میری نیک خواہشات ہیں۔
نیتیش کمار نے کہا کہ پوون ورما نے جو بھی بیان دیا ہے وہ ان کی ذاتی رائے ہوسکتی ہے۔
وہیں جے ڈی یو کے ریاستی صدر نارائن سنگھ نے بھی پوون ورما کے خلاف ناراضگی ظاہر کی ہے۔
نارائن سنگھ نے پوون ورما کے ذریعہ دہلی اسمبلی انتخابات کے سلسلے میں بی جے پی سے اتحاد کرنے والے فیصلے پر جواب کے مطالبے کو غیرمناسب قرار دیا ہے۔
ای ٹی وی بھارت سے بات کرتے ہوئے نارائن سنگھ نے کہا تھا کہ میں اس طرح کے بیان کو غیرمناسب سمجھتا ہوں۔ جب بھی پارٹی کےساتھ میٹنگ ہوگی، میں اس بات کو مضبوطی کے ساتھ اٹھاؤں گا۔کیوںکہ سب کو معلوم ہے کہ بہار میں لمبے عرصے سے این ڈی اے کی حکومت ہے۔
قابل ذکر ہے کہ دہلی اسمبلی انتخابات میں بی جے پی کے ساتھ اتحاد کے بعد جے ڈی یو کے اندر کہرام مچا ہوا ہے۔پارٹی کے قومی جنرل سکریٹری پوون ورما نے پارٹی صدر اور بہار کے وزیراعلی نیتیش کمار کو خط لکھ کر وضاحت کا مطالبہ کیا تھا۔
