واضح رہے کہ جمعرات کے روز پٹنہ کے گاندھی میدان تھانہ علاقے میں کچھ غیرسماجی عناصروں نے ہنگامہ کیا تھا۔اس دوران پولیس پر پتھر بازی بھی کئی گئی تھی۔
معاملے کو قابو میں کرنے کے لیے موقع پر پانچ پولیس اسٹیشن کے پولیس سمیت 2 ڈی ایس پی عہدے کے افسر بھی پہنچے تھے۔
اطلاع کے مطابق رینو کماری نام کی خاوتون نے ایگزیبیشن روڈ کے ٹریفک پوسٹ پر گاڑی چیک کررہے پولیس نے اس کی گاڑی کے کاغذات کو پھاڑ کر جرمانہ مانگنے کا الزام عائد کیا تھا۔
خاتون کے مطابق وہ اپنی گاڑی سے الٹراساؤنڈ کرانے پٹنہ میڈیکل کالج اسپتال جارہی تھی، تب ہی ٹریفک پوسٹ پر تعینات ٹریفک پولیس برجیش کمار نے گاڑی کو روک کر کاغذات کی مانگ کی، کاغذات دکھان پر پولیس نے کاغذ کو پھاڑ کر پھینک دیا اور جرمانہ مانگنے لگا۔یہ دیکھ کر وہاں موجود لوگوں نے پولیس کی پٹائی کردی۔
اس معاملے کی جانکاری ملتے ہی سینکڑوں کی تعداد میں پولیس فورس موقع پر پہنچی اور ہنگامہ کررہے 10 لوگوں کو گرفتار کرلیا ہے۔
وہیں موقع پر پہنچے ڈی ایس پی کمار اندر پرکاش نے بتایا کہ معاملے کی جانچ کی جارہی ہے۔خاتون نے جو الزام عائد کیا ہے کہ اگر وہ صحیح ثابت ہوتا ہے تو ٹریفک دروغہ برجیش کمار پر کارروائی کی جائے گی۔
