پٹنہ ہائی کورٹ نے ریاست کے پرائمری اسکولوں میں بڑے پیمانے پر اساتذہ کی ہونے والی تقرری کی کارروائی پر لگی پابندی کو ہٹانے سے انکار کر دیا ہے. جسٹس انیل کمار اپادھیا نے نیرج کمار اور دوسروں کی عرضی پر سماعت کرتے ہوئے ریاستی حکومت کو ہدایت کی ہے کہ آئندہ سماعت کے دوران حلف نامہ دائر کرے۔
عرضی گزار کے وکیل دینو کمار نے بتایا 'ریاستی حکومت نے 15 جون 2020 کو ایک ہدایت جاری کر تے ہوئے کہا کہ دسمبر 2019 میں سی ٹی ای ٹی پاس امیدوار اس امتحان میں حصہ نہیں لے سکتے ہیں'۔
یہ بھی پڑھیے
سشانت سنگھ راجپوت کیس: ریا چکرورتی گرفتار
چندا کوچر کے شوہر گرفتار
عدالت نے ریاستی حکومت کو یہ واضح کرنے کو کو کہا ہے 'اشتہار شائع کرنے کے بعد کیا قانون میں تبدیلی ہو سکتی ہے؟'۔
انہوں نے کہا کہ اس امتحان کے ذریعہ پوری ریاست میں تقریباً 94 ہزار اساتذہ کی بحالی کی کارروائی چل رہی ہے۔ اس معاملے کی اگلی سماعت 21 ستمبر کو ہوگی۔
