پٹنہ ہائی کورٹ، تعلیم کی ابتر صورتحال پر برہم

پٹنہ ہائی کورٹ نے ریاست میں تعلیم کی خراب حالت پر سخت ناراضگی کا اظہار کرتے ہوئے کہا کہ 'اس کے لیے کسی کو فکر نہیں ہے۔'

ہائی کورٹ میں آج ریاست میں تعلیم کی ابتر صورتحال پر سماعت ہوئی۔

پورنیہ کے گیسٹ اساتذہ کو ہٹائے جانے کے معاملے میں جسٹس اے کے اپادھیائے نے ریاست کے چیف سکریٹری سے جواب طلب کیا ہے۔

عدالت نے سماعت کے دوران تبصرہ کرتے ہوئے کہا کہ 'ریاست میں تعلیمی صورتحال کو تبھی بہتر کیا جاسکتا ہے جب سرکاری اسکولوں میں آفیسرز کے بچے بھی پڑھیں۔'

کوشل کشور ٹھاکر کے ذریعے دائر مفاد عامہ کی عرضی پر سماعت کرتے ہوئے عدالت نے چیف سکریٹری کو اگلی سماعت میں یہ بتانے کو کہا ہے کہ ریاست میں تعلیم کی شرح کو کیسے بہتر کیا جا سکتا ہے۔ اس معاملے کی اگلی سماعت آئندہ 23 مارچ کو ہوگی۔