گزشتہ روز ضلع دربھنگہ کے بینی پور میں اسمبلی حلقہ کے بابا ناگا ارجن اسٹیڈیم میں پپو یادو نے اپنی پارٹی کے امیدوار راجیش کمار مشرا کی حمایت میں عوام سے خطاب کیا۔
اس دوران انہوں نے عوام سے اپیل کرتے ہوئے کہا کہ اگر ہمیں موقع ملا تو کسی غریب کو بھوکا نہیں رہنے دیں گے غرباء کو ون بی ایچ کے فلیٹ اور تعلیم یافتہ نوجوان کو جب تک روزگار نہیں ملتا تب تک 8000 ہزار روپے ماہانہ اسکالر شپ دیں گے، فرقہ پرستی نہیں ہونے دیں گے، جرائم پیشہ افراد کو تین مہینے سلاخوں کے پیچھے بھیج دیں گے، اسی طرح انہوں نے متعدد وعدے کیے۔
وہیں نریندر مودی پر تنقید کرتے ہوئے کہا کہ پہلے کہتے تھے ایک لاکھ چالیس ہزار لے لو لیکن اب کہتے ہیں پانچ کے جی چاول لے لو دال لے لو، وہیں اب بھی 90 فیصد غریب کے پلیٹ میں دال نہیں ہے، مکیش امبانی دنیا کا تیسرا امیر آدمی ہوگیا اور بہار کی عوام غریبی میں 25 ویں نمبر آ گئی ہے! ،پپو یادو کے ساتھ ریلی میں شرکت کرنے بابا صاحب بھیم راو امبیڈکر کے پوتے بھی تھے -
بتا دیں کہ بینی پور اسمبلی حلقہ سے جاپ کے ٹکٹ پر راجیش کمار مشرا اور علی نگر اسمبلی حلقہ سے پپو سنگھ انتخاب لڑ رہے ہیں ۔ آئندہ 03 نومبر کو دیکھنے والی بات یہ ہوگی کہ انتخابی جلسے میں موجود عوام کیا پپو یادو کے امیدوار کو کامیاب بنا کر اسمبلی پہنچاتی ہے یا نہیں ۔
