گیا، بہار: گیا کے مدرسہ ترتیل القرآن میں سیرت النبی کانفرنس کا باقاعدہ افتتاح قاری حافظ محمد نیاز الدین کی تلاوت قرآن پاک سے ہوا. بعدہ شاعر قاری محمد شعیب نے بہترین انداز میں نعت نبی پیش کیا۔ قاری محمد فتح اللہ قدوسی نے سیرت النبی کانفرنس سے خطاب کرتے ہوئے کہا کہ یہ ایک حقیقت ہے کہ حضور اکرم محمد رسول اللہ جو دین، مذہب اور شریعت لیکر آئے اس کا نام اسلام ہے. جس کے معنی امن و سلامتی کے ہیں۔ Organized Sirat ul Nabi Conference at Madrasa Tarteel ul Quran Gaya
یہ بھی پڑھیں:
انہوں نے کہا کہ اس کا صاف مطلب ہے کہ محمد صلی اللہ علیہ وسلم کا لایا ہوا دین امن و سلامتی کا دین ہے اور اسلام کے ہر حکم کے پیچھے امن و سلامتی کا راز پوشیدہ ہے. آپ صلی اللہ علیہ وسلم کا واضح ارشاد ہے کہ کامل مسلمان وہ ہے جس کے ہاتھ اور زبان سے پوری انسانیت محفوظ رہے اور کامل مومن وہ ہے جس سے انسانیت کی جانیں اور مال محفوظ رہیں، جس کا صاف مطلب یہ ہوا کہ آپ کے لائے ہوئے پیغام اسلام اور آپ کی حیات طیبہ اور سیرت مبارکہ کا اصل مقصد انسانی سماج و معاشرے کو بلا امتیاز وتفریق امن وسلامتی فراہم کرنا ہے۔
مولانا قاری محمد عظمت اللہ ندوی نے سیرت النبی کانفرنس کے انعقاد کے حوالے سے خصوصی خطاب کرتے ہوئے فرمایا کہ سیرت کی ایک ایسی مبارک مجلس ہے جس میں فرشتے بھی شرکت کرنے میں فخر محسوس کرتے ہیں. انہوں نے حاضرین کو سیرت نبوی کا پیغام دیتے ہوئے کہا کہ آپ کی ذات گرامی قبلہ نما ہے. رسول اللہ سے ہماری اطاعت ومحبت. عقیدت والفت اور وارفتگی وغلامی کا رشتہ جتنا مضبوط ہوگا. اتنا ہی ہمارا قبلہ و کعبہ محفوظ ومامون ہوگا۔
انہوں نے کہا کہ آج ہم بحیثیت قوم وملت تعلیمات نبوی سے انحراف ودوری اور شریعت محمدی سے روگردانی وبے عملی کے سبب دنیا میں اس مقام پر ہیں کہ امن ہے نہ خوشحالی. عزت حاصل ہے نہ وقار. جب کہ حقیقت یہ ہے کہ ہماری عزت و عظمت. فتح ونصرت. اور غلبہ وسربلندی. دامن مصطفیٰ سے وابستگی اور اسوہ محمدی پر عمل آوری میں ہے۔
