بہادرگنج اسمبلی حلقہ کے ٹیڑاگاچھ میں شاہین باغ کی طرز پر احتجاج کیا گیا، جس میں ضلع کونسلر عمران عالم علاقائی زبان (سرجاپوری) میں وزیراعظم نریندر مودی، وزیر داخلہ امت شاہ اور بہار کے وزیر اعلیٰ نتیش کمار پر جمکر برسے۔
سرجاپوری زبان میں کی شہریت ترمیمی قانون کی مخالفت
انہوں نے کہا کہ جس دن ملک کی ماں اور بہنیں شاہین باغ کی طرح ڈوا، گھٹنی، جھاڑو اور بیلن لیکر باہر نکل آئینگی اس دن یہ سرکار قانون واپس لینے پر مجبور ہو جائےگی۔ انہوں نے مزید کہا کہ ملک کی جی ڈی پی مسلسل گرتی جا رہی ہے، حالات بد سے بدتر ہو رہے ہیں اور ان ناکامیوں کو چھپانے کے لیے حکومت مذہب کی بنیاد پر، ہندو۔مسلمان کی بنیاد پر نفرت پیدا کرنے کی کوشش کر رہی ہے۔ لوگوں کو لڑا کر اپنی سیاسی روٹیاں سینک رہی ہے۔ عمران عالم نے مزید کہا کہ وزیراعظم نریندر مودی گجرات کی طرح دہلی میں بھی دنگا کرانا چاہتے تھے۔
