مخدوم پور سے آر جے ڈی کے رکن اسمبلی ستیش کمار، رونے اور ماتم کرنے لگے۔ چھپرا کے مانجھی سے سی پی آئی کے رکن اسمبلی ستیندر یادو بھی بدحواس نظر آئے۔
رکن اسمبلی ستیش کمار کو دھکہ مکی میں چوٹ آنے پر انہیں اسٹریچر پر رکھ کر ایمبولنس کی جانب لے جایا گیا، اسی دوران رکن اسمبلی کہنے لگے، 'بھیا آپ لوگ پیچھے پیچھے رہیے یہ لوگ لے جا کر مار دیں گے'۔
اس سے قبل زمین پر بدحواس حالت میں پڑے ستیش سے ایک رپورٹر نے بات کرنے کی کوشش کی تو انہوں نے کہا کہ 'نہیں بات کر پائیں گے بھیا' پاپا جان بچا لو، نتیش کمار جان سے مروا دے گا پاپا'۔
اتنا کہہ کر رونے لگے اور کہا کہ 'ہم لوگ بہار کے 12 کروڑ لوگوں کے ساتھ ہیں، آج بے روزگاری کے سوال پر سڑک پر مارا اور اسمبلی میں کالا قانون لے کر آئے ہیں، اس کی مخالفت کرنے پر دیکھئے کس طرح سے پولیس نے پیٹا ہے'۔
وہیں مانجھی کے رکن اسمبلی نے کہا کہ ایس پی نے چھاتی پر بوٹ رکھ کر مارا، میرے سینے اور سر میں چوٹ لگی ہے، پولیس نے آج جمہوریت کا قتل کیا ہے۔
