بگہا: بہار میں ہند-نیپال سرحد سے متصل مغربی چمپارن ضلع کے گووردھنا تھانہ علاقے میں جمعہ کی صبح شیر کے حملے میں ایک نوجوان کی موت ہو گئی۔ Youth died attacked by lion in West Champaran
پولیس ذرائع نے بتایا کہ ایک نوجوان ڈمری گاؤں کے قریب رفع حاجت کے لئے گیا تھا۔ اس دوران شیر نے حملہ کرکے اسے ہلاک کردیا۔ مرنے والے کی شناخت ڈمری گاؤں کے سنجے مہتو (35) ولد رام چندر مہتو کے طور پر کی گئی ہے۔
اس واقعہ سے مشتعل لوگوں نے محکمہ جنگلات کے دفتر اور گاڑی میں توڑ پھوڑ کی۔ معاملے کی اطلاع ملتے ہی پولیس اور انتظامیہ کے اعلیٰ افسران موقع پر پہنچے اور معاملے کو رفع دفع کیا۔ تاہم محکمہ جنگلات کی ٹیم چار سو جنگلاتی اہلکاروں کے ساتھ آدم خور شیر کو پکڑنے میں مصروف ہیں۔ Youth died attacked by lion in West Champaran
شیر کے حملے کا گزشتہ ایک ماہ میں یہ 7واں واقعہ ہے، جب شیر نے کسی شخص پر حملہ کرکے ہلاک کردیا ہو۔ گزشتہ پانچ ماہ کے دوران مختلف علاقوں میں شیر نے مجموعی طور پر آٹھ افراد پر حملہ کیا ہے جس میں سے سات لوگوں کی اموات ہوگئی ہے۔ حالانکہ محکمہ جنگلات شیر کو پکڑنے کے لیے کافی مشقت کررہا ہے، تاہم شیر کی خصوصیت یہ ہے کہ وہ بار بار اپنا مقام بدلتا رہتا ہے۔
مزید پڑھیں:
گاؤں والوں میں شیر کا خوف: وی ٹی آر کے قریب دیہاتیوں نے شیر کی دہشت سے کھیتوں کے طرف جانا چھوڑ دئے ہیں۔ گاؤں والوں نے بتایا کہ وہ گھروں کے سامنے آگ لگا کر رات گزار رہے ہیں، تاکہ شیر ان کے گھروں تک نہ پہنچ سکیں۔
