ریاست بہار کے ضلع سارن کے عیسوا پور تھانہ علاقہ کے اچت پور گاﺅں کے نزدیک آج سڑک حادثے میں ایک سابق مکھیا کی موت ہوگئی اور ایک دیگر زخمی ہوگیا۔
خیال رہے کہ پولیس ذرائع سے ملی اطلاع کے مطابق پاناپور تھانہ علاقہ کے رسولی گاﺅں کے باشندے اور سابق مکھیا کیلاش گپتا عمر 65 برس اپنے بھتیجے دنیش کمار گپتا عمر 35 برس کے ساتھ بہن کے گھر پرسولی سے واپس گاﺅں لوٹ رہے تھے۔
اسی دوران عیسوا پور تھانہ علاقہ کے اچت پور گاﺅں کے نزدیک کیلاش گپتا نے آگے جارہے ٹرک میں ٹکر مار دی۔
ذرائع نے بتایا کہ ہیلمٹ پہننے کے باوجود کیلاش گپتا کی موقع پر ہی موت ہوگئی، جبکہ موٹر سائیکل پر پیچھے بیٹھا ان کا بھتیجہ شدید طور سے زخمی ہوگیا۔
مقامی لوگوں کی مدد سے زخمی کو نزدیکی پرائمری ہیلتھ مرکز میں داخل کرایا گیا، جہاں ابتدائی علاج کے بعد ڈاکٹرز نے اسے بہتر علاج کے لیے صدر ہسپتال چھپرہ بھیج دیا ہے۔
واضح رہے کہ پوسٹ مارٹم کے بعد پولیس نے لاش کو اہل خانہ کے حوالے کردیا ہے۔
