گیا: بہار کے ضلع گیا میں آج ہوئے سڑک حادثے میں ایک شخص کی موت ہوگئی ہے جب کہ دو افراد شدید طور پر زخمی ہوگئے، جن کا علاج گیا کے انوگرہ نارائن مگدھ میڈیکل ہسپتال میں جاری ہے۔ Road accident in Gaya
مزید پڑھیں:
اطلاعات کے مطابق ہفتہ کے روز جی ٹی روڈ کے قریب آمس تھانہ علاقے میں ایک تیز رفتار کار سڑک کے کنارے کھڑی ٹرک سے ٹکرا گئی، اس حادثے میں ایک شخص کی موقع پر ہی موت واقع ہوگئی جبکہ دو افراد شدید طور پر زخمی ہوگئے۔
تصادم کی آواز سن کر مقامی لوگ جائے حادثے پر پہنچے اور بڑی مشقت کے بعد زخمیوں کو گاڑی سے نکال کر سب ڈویژنل ہسپتال میں داخل کرایا جہاں کے ڈاکٹروں نے ابتدائی علاج کے بعد گیا مگدھ میڈیکل ہسپتال ریفر کر دیا۔
