ریاست بہار کے ضلع نالندہ کے وین پولیس اسٹیشن علاقہ میں ٹرک اور موٹرسائیکل کے درمیان زبردست تصادم ہوا۔ اس واقعے میں موٹرسائیکل سوار ایک نوجوان نے موقع پر ہی دم توڑ دیا۔ ہلاک شدہ کی شناخت سجیت کمار کے نام سے ہوئی ہے۔
بتایا جارہا ہے کہ سجیت کمار اپنے ساتھی کے ہمراہ موٹرسائیکل سے بیج لینے بازار جارہا تھا۔ اسی دوران لال گنج کے قریب بے قابو ٹریکٹر نے موٹرسائیکل کو زوردار ٹکر ماری۔ اس واقعے میں سجیت کمار کی موقع پر ہی موت ہوگئی جبکہ اس کا ساتھی شدید طور پرزخمی ہوگیا۔ سجیت کمار کی اہلیہ چنڈی گڑھ میں آئی ٹی بی پی میں کانسٹیبل کی حیثیت سے تعینات ہیں۔
مقامی پولیس نے موقع پر پہنچ کر لاش کو اپنے قبضہ میں لے کر پوسٹمارٹم کے لئے بہارشریف صدر اسپتال بھیج دیا ہے۔
فی الحال پولیس اس معاملے کی تحقیقات کر رہی ہے۔
